2015 - Kolejna Brač, nie wiem czy jest sens się za to brać

Jo grilla bez ślonskiij nie widza, a cukinio tyż jest fest dobro

Dzisio trocha luzu we robocie to cosik naszkryfia

Jak my pośniodali, (po chlyb żech do Sumartina na Szymonowym kole jechoł, więc szacun do tych co po Braču na kołach śmigają ) myślimy kaj by tu jechać? Za daleko nom sie nie chce, no to jadymy do..
Povlji
Auto my zostawili w "centrum"
Połazili my trocha po miasteczku i pocykali trocha fotek.


Nawet udało mi sie chycić we aparat dwa yjzle co po Povlji łaziły

Tyż tu je piyknie, cisza i spokój czyli to czego na feryjach szukomy
Jedynie co, nie wiym czy dziennie, ale my już drugi roz na nich trefili, przypływo sam "Fisch Picknik". Na szczyńście łodka ni ma wielko i larma wiela ni robią. W tym roku jak my przijechali to oni sie już kludzili
Poszli my na drugo strona zatoczki co by se jakie kugle kupić i oroz nom sie pokozoł taki widok

Smutno nom sie zrobiło, bo jak my sam byli dwa lata tymu to "arka" dumnie stoła przi brzegu
Podobno właściciele ni mają za bardo piniyndzy co by arka dźwignyć, a co dopiyro wyremontować. Możno sie jaki sponsor znejdzie bo rychtyk jyj szkoda

Ja my już pomaszkiecili i połazili to by teraz trza było se kaj rzić zamoczyć, na a jak my som we Povlji to byby grzych jak by my ni pojechali do:

Do zatoki "Ticja Luka". Jako że to był dopiero początek sezonu, to ludzi za wiela niy było. Woda fajno, ciepło i czysto. Kieby tak daleko od naszych apartmanów ny było po czyńścij by my sam przijeżdżali.
I tak na nicnierobieniu zlecioł nom dziyń do samego popołednia

dids76 napisał(a): to jadymy do.. Povlji

Nawet udało mi sie chycić we aparat dwa yjzle co po Povlji łaziły

A ftory yjzel bażi uparty był?...

pojechali do... zatoki "Ticja Luka". Jako że to był dopiero początek sezonu, to ludzi za wiela niy było. Woda fajno, ciepło i czysto. Kieby tak daleko od naszych apartmanów ny było po czyńścij by my sam przijeżdżali.

Piyknie.
Cza się było od razu tam przeprowadzić.

Musiałem się goglami posiłkować, żeby ustalić co to te "yjzle"

Mikromir napisał(a):A ftory yjzel bażi uparty był?...

Tyn trzeci, ale z nim (a raczej z nią) fotki tak podpisanyj nie wkleja, bo bych mógł następne wakacje w szpitalu spędzić

W tym roku, skuli tego co mie namowiali Croberto, Mervik i Danka, chcioł żech se kupić ponton. Taki mały, coby trocha se przi brzegu popływać. Na kierymś grillu tak godom ze szwagrym co ogromnie rod ryby chyto, co bych se taki ponton kupił. Że grill sie mioł pomału ku końcowi, szwagier godo "na uj bydziesz kupowoł, jak mie w pywnicy leży, to se go do CRO weźmiesz na ryby na razie ni pójda". Tak my tyż zrobili, no i trza było pieroństwo teraz naplompać i zoboczyć czy się pod nami to ni zarabuje
Jak my go już naplompali i zanieśli nad woda to pomału się zaczął wieczór robić, nawet i dobrze bo sie tak ni spoca
My ze Szymonem wskoczyli do pontona i obrali my richtung "Rużmarin".

Fajnie się pomału płynęło, wiaterek wioł, zaczynoł wioć coroz bardzi Jak my minyli "rużmarin" to wioło już dość ostro, że wcale wiosłować żech ni musioł. Godom młodymu że jadymy nazot bo jak tak dali bydzie wioło to ni wrócymy. Sztreka nazot już tako fajno ni była, trochach sie musioł namachać tymi wiosłami co by nazot przypłynyć. No ale dali my rady, teraz już wiym że jak wieje to pontonym nie wypływom
Jak my przyszli do apartmanów to Jura już ze piwym na nas czekoł, godom mu że my pływali pontonym i że wiater nas ściągoł. Tyn padoł spokojnie: "nema problema, sutra by my was ze Jelsy na Hvarze odebrali"

Povlja w tym roku będzie nasza dzięki za fotki,tam rzeczywiście tak ładnie?

dids76 napisał(a):Smutno nom sie zrobiło, bo jak my sam byli dwa lata tymu to "arka" dumnie stoła przi brzegu

Miejscowym władzom chyba to na rękę, bo jakoś nie zauważyłem, żeby inwestowali w ten przybytek (a można było np. fajną knajpę tam zrobić).
Teraz (tak myślę) pewnie czekają aż natura dokończy dzieła.

Już za parę dni wybieram się do Povlji to zobaczę jak się sprawy mają z "Arką" ale sądząc po tym , że stała już w porcie bardzo długo ( ja ją pamietam od 2011 roku) i nikt się nią nie interesował to myślę ,że jak natura zrobi swoje to niejednym kamień z serca spadnie.

Już po dwóch postach nie mogę opanować śmiechu mistrzowska relacja

Nadrobiłam zaległości i czekam na dalszy ciąg relacji

Ja, czekam od dawna , ale myślę, że Mariuszowi teraz bardziej piłka w głowie, niż dalsza część relacji

elka21 napisał(a):Ja, czekam od dawna , ale myślę, że Mariuszowi teraz bardziej piłka w głowie, niż dalsza część relacji

Fusbal aże tak mie ni krynci, jo tam wola żużel
Czasu ni ma dziołcho i tela

Czas by było zaś coś naszkryflać, boch sie już poleku potracił kaj żech skończył

Po tym wiosłowaniu żyły na musklach żech mioł napnyte jak szlauchy z koła i rynce mie pierońsko bolały . Beztóż na drugi dziyń był yno odpoczynek. Trocha dłużyj my we łożkach pognili i tak kole połednia poszli my na plaża we Puntinaku. Zanim my śleźli cołkiem na plaża poszli my se do kawiarni co je zaroz kole niyj. Gosia ze Szymonem se wziyni lody, a jo..... Karlovacko we zmrożonym kuflu (terozki na sama myśl o mały figiel bych sie slinom nie udłowił ). Już żech to pisoł we moi ostatniyj relacji, właściciel tyj kawiarni to je były listonosz i obsługi klientów, locio piwa itp. sie uczył ze internetu. Dobrze sie pieron nauczył, piwo we kuflu ze zamrażarki pierońsko dobrze włazi
Ps. Niedaleko tyj kawiarni, we unskim roku stowioł Pizzeria (możno na tyn sezon bydzie już gotowo), jak tak sie i przy pizzy bydzie staroł to mo klientela zapewniono

Po tych maszkietach reszta familii poszła już na plaża

A jo sie jeszcze poleku piwem delektowoł

I zrobił pora bildów na naszo plaża i Sumartin.




Gosia oczywiście musiała cykać fotki kożdymu pieroństwu co we wodzie pływo

No i na takim pływaniu, leżyniu i nicnierobiyniu nom cołki dziyń zlecioł

dawno nie zaglądałem, ale widzę, że relacja nadal w doskonałym stylu prowadzona
też wolę żużel