2015 - Kolejna Brač, nie wiem czy jest sens się za to brać

dids76 napisał(a): możno dzisio w robocie bydzie trocha luzu, to co wciepna.

Cołkiem fajno robota , dowej pozór, aż Cie nie chycom bo bydziesz poradzioł siedzieć w Chorwacji cołki rok .

Na Vidovo Gora my wleźli i ze niyj zleźli, było kole połednia, do dom nima co jechać bo pogoda tako se. Dojechali my do głownyj drogi co bez wyspa idzie Godom załodze: No to jak my już som we pojszczodku wyspy jadymy do Supetara! Pojechali my tyż tam skuli tego że nie mieli my już żodnyj Kuny a że to była niedziela i we Sumartinie poczta była zawrzyto to niy było kaj zminić (jeszcze żech nie wiedzioł że we sklepie kole poru we Sumartinie tyż idzie Eura mjynić). Jak my dojechali do Nrerežišćy toch skryncił we prawo i bez Škrip (niestety my niy zwiedali) pojechali my ku Jadranowi

jaczo napisał(a):
Cołkiem fajno robota

Nima czegoś takyigo jak "Fajno robota". To som słowa co sie wzajemnie wykluczajom tak jak np "Dobro Teściowo"

dids76 napisał(a):Nima czegoś takyigo jak "Fajno robota". To som słowa co sie wzajemnie wykluczajom tak jak np "Dobro Teściowo"

Ale za to je coś takigo jak "Szumno Relacja" i tako właśnie je ta Twoja.

Wciepuj gibko nastympne łodcinki

Połowy z tego co piszesz nie rozumiem ale połowy się domyślam.

kaszubskiexpress napisał(a):Połowy z tego co piszesz nie rozumiem ale połowy się domyślam.

Ciekawe czy po kaszubsku byłoby zrozumiale

http://www.na-kaszuby.pl/Kaszuby/jezyk_kaszubski.html

Janusz Bajcer napisał(a):Ciekawe czy po kaszubsku byłoby zrozumiale

Ja zrozumiałem cały tekst

Super relacja i fajnie napisana

Jak po naszymu to po naszymu! Jo tyż się przykludził sam. Twierdzowego chyntnie bych się szluknoł, Raciborskim tyż niy pogardza ... Zaczynom drabko czytać twoja relacjo

Jeronie, relacjo erszty klase!! Piyrszy roz czytom tak gryfnie ukulano relacjo. Po naszymu jak znocie naszo godka czyto się dobrze jak pieron. Z pisaniym, jak autor wspominoł jus je gorzij. Pisz dalij bo dlo mie piyknie poradzisz szrajbować. I drabko bildów wiyncyj roztomaitych (z gryfnymi frelkami łobleconymi i sebleconymi zwłaszcza ) wciepuj bo się piyknie paczi. Pyrsk hanysy Jo niy hajer ale urodzony w Piekarach ślonzok z krwi, kości i piwa

projektom napisał(a):Jeronie, relacjo erszty klase!! Piyrszy roz czytom tak gryfnie ukulano relacjo. Po naszymu jak znocie naszo godka czyto się dobrze jak pieron. Z pisaniym, jak autor wspominoł jus je gorzij. Pisz dalij bo dlo mie piyknie poradzisz szrajbować. I drabko bildów wiyncyj roztomaitych (z gryfnymi frelkami łobleconymi i sebleconymi zwłaszcza ) wciepuj bo się piyknie paczi. Pyrsk hanysy Jo niy hajer ale urodzony w Piekarach ślonzok z krwi, kości i piwa

Trochę czasu zajmuje zrozumienie tego co piszecie...radość czytania bezcenna

projektom napisał(a):Jeronie, relacjo erszty klase!! Piyrszy roz czytom tak gryfnie ukulano relacjo. Po naszymu jak znocie naszo godka czyto się dobrze jak pieron. Z pisaniym, jak autor wspominoł jus je gorzij. Pisz dalij bo dlo mie piyknie poradzisz szrajbować. I drabko bildów wiyncyj roztomaitych (z gryfnymi frelkami łobleconymi i sebleconymi zwłaszcza ) wciepuj bo się piyknie paczi. Pyrsk hanysy Jo niy hajer ale urodzony w Piekarach ślonzok z krwi, kości i piwa

Tu,, Robia tak w tym roku jada na Pag "jest też relacja po Waszemu

Wszystkim wielkie Dziynki za dobre słowo Jak kto czego niy rozumi to niech pyto, bydymy tłumaczyć
A ze relacjom jadymy dalyj.

Jak my dojechali do Supetara to zaro my poszli na lody, bo ogromnie my radzi co pomaszkiecić. Po tych lodach i zwiedzaniu Vidovej Gory to tak nojlepszy bych se kaj legnoł . Niy było kaj to poszli my trocha po mieście podeptać. We Supeterze byli my ostatnio yno na chwila, bo bardzij mi na obejrzeniu Sutivanu zależało.
Połazili my trocha po miasteczu, rychtyg fajne, ale jak na mie trocha za wielkie. We robocie cołki czos sie ze ludziami użyrom, to jak mom urlop chcamieć spokój i jak nojmyni ludzi kole siebie
Poszli my obejrzeć kościół, ale mieli zawrzyte
Szymon pooglondoł se ichnio droga krzyżowo, co jom na murze kiery dookołoa koscioła leci zrobili, jak wszystko (co yno idzie) na tyj wyspie wydłubano jest ze kamiynia . .
Połazili my jeszcze trocha, pozaglondali bele kaj. Ludzie tyż majom pomysły ze moplika se blumensztynder zrobili. . Mie by było szkoda takigo szumnego moplika
Niebo niy było juz tak zamroczone i zaczło sie pierońsko ciepło robić . Szkoda nom tego ciepła było, no to my wpadli na pomysł że jadymy ku chałupie. Jak bydzie kaj po drodze jakieś normalne zejście do wody to stowomy i choć na chwila rzić we wodzie wymoczymy.

Skuli tego ze chcieli my kajś do wody skoczyć niy pojechoł żech ze Supetaru drogom bez pojszczodek wyspy, yno takom co kole morza leci. Idzie niom zajechać od Supetara aże ku Pučišćy, a możno i niedłogo aż do Povlji. Ogromnie rod tom drogom jeżdża,fajne widoki, moc winkli i podjazdów. Jak yno moi stare auto bydzie dowało rady to bydymy tamtyndy jeździć.
Jako że od rana pogoda niy była za pjykno a tyż to był koniec czyrwca to i turystów za moc jeszcze niy było. Przy drodze między Supetarem a Splitską kaj zawsze je pierońsko ciżba i auta nima kaj postawić było pusto. Stanyli my se autym pod stromym, co by we ciyniu stoło, a my sie poszli kompać.
Do kompanio my nie byli za bardzo narychtowani i żodyn badyancuga na sobie niy mioł My ze Szymonym dali se jakoś rady, Gosia została na brzegu i porobiła nom trocha fotek.

Szymon, skuli tego że niy chciał po skałach po bosoku łazić, zostawił se na nogach fusekle kierymi sie do bildrów chwolił

Fuzekle bardzo fajne. Trzeba se jakoś radzić w życiu.
Moj syn tyż, jak pływo w płetwach, to fuzekle nosi, bo inaczy go łobcierają płetwy.

A badyanzug to trza zawsze wozić w aucie, tak jak szczewiki do wody - dyć to Jadran jest, a niy Bałtyk!


Ta droga krzyżowo z kamienia w Supetarze tyż mi sie spodobała. A naprzeciwko jest płaskorzeźba z Janem Pawłem II, widzieliście?