Jak my spokojnie pośniodali i wyciepali wszystkie klamoty ze auta do apartmanów poszli my na plaża kaj gnili my bez cołki dziyń. Na szczyńście przi naszyj plaży jest ciyń. Jo się poradza spolić nawet jak żech je namazany olejym do opalania dla bajtli, takim ze faktorem 50. Beztóż do mie nojwazniejsze jest co by był ciyń
I tak nom zlecioł piyrwszy dziyń we Chorwacji. Na wieczó ugodali my sie ze właścicielem że siednymy se u nigo na tarasie i napijymy sie jakigo piwa, abo i co mocniejszego
. Jak my tak siedzieli i dżistali zaczło padać, myśla se " no pjyknie, po to my bez poł europy jechali co by nom dyszcz na łeb lecioł? "
Na szczyńście był to jedyny dycz bez nosz cołki pobyt.
Jak my na drugi dziń stanyli, niebo było jeszcze zamroczone i troch wioło. Wpadli my na pomysł że jak pogoda tako niy za hersko to zamiast na plaża jadymy kaj pozwiedzać. Jak sie okozało pomysł był bardzo dobry, był to jedyny dziyń, bez nosz cołki pobyt co takiego hycu niy było i szło jako tako połazić (o czym się przekonali inni którzy trochę później ode mnie na Brač zawitali
).
Stwierdzili my że jadymy tam kaj my jeszcze niy byli, czyli na Vidovo Gora.
Prawie na som wjych idzie wjechać autym, tak ze sie człowiek za fest nie umorduje, a widoki rychtyg fajne.
Bardzo pjyknie się tu komponują ze cołkim otoczyniem te antyny co na samym wjyrchu Vidowej Gory postawili
Jest tyż oczywiście krziż, no mozno niy taki jak u nos na Giewoncie, ale tyż pjykny
Pogodali my trocha ze takimi młodymi ze Holandii i cykli nom pora fotek, som to chyba jedyne kaj jest nasza cało familia
Pozaglondali my trocha na Hvar. Możno sie tam kiedy wybierymy, jak już sie nom Brač zbrzidnie
Trocha fotek zech zrobił kamerom, som jeszcze gorsze jak ze aparatu, ale zoom mo dość dobry
Jak my szli już nazot ku autu
to udało mi sie nawet konsek Splitu zoboczyć
.png "Cromaniak")
napisał(a) CROnikiCROpka » 30.03.2016 21:12 .png "Koneser")
.png "Croentuzjasta")
.png "Odkrywca")
.png "Weteran")
,
